Transcription
1
Monsieur, sans que monsieur de La Touche ma bien asseuré aller au Montelimar,
2
je despeschoys ung laquais pour vous fère entendre comme jay sceu de
3bonne part et par ung de mes amys qui a esté aultresfoys de la [barré : religi ]
4
religion quil a parlé à ung homme despesché par ceulx de la religion
5
au Capitaine Coste quest dans Horenges, pour entendre de luy sil vouldroit
6
prandre la charge du gouvernement de Pignerol, layant despesché ceulx
7
de ladite religion deputé à ce pour lavoyr cogneu homme digne de ceste
8charge là et aussy pour estre estroppié, ne [barré : pouvoyt ] pouvant ailleurs et maiant
9
bien asseuré cedict mien amy que ceulx de la religion ont intelligence
10
sur ledit lieu de Pignerol, quilz le tiennent pour tout asseuré à
11
eulx en faisant grand estat pour rayson des munitions et artillerie
12
que sont dedans ; et sans que je m’asseures bien que ma lettre vous
13
treuveroyt encores au Montellimard, j’avoys deliberé envoyer ung
14
homme tout exprès et en diligence à monsieur de Gordes
15
pour le tenir adverty de ce faict comme estant chose tant
16
importante pour le service du roy et aussy comme son serviteur
17
et pour le tenir adverty aussy que le susdit ma bien asseuré quil y
18
aura quelque remuement en Daulphiné. Je doubte que ledit Pignerol
19
ne soit bien tost saisy et qu’il seroit besoing y envoyer soudain.
20
Et lasseurance que jay en tiendrés adverty monsieur de Gordes,
21
est cause que ne la vous ferey plus longue, sy nest pour vous
22
supplier croyre quil ny a gentilhomme en France qui de meilleur
23
ceur vous face service quand il vous plerra me fère cest
24
honneur me commander, ne soit que ayes plus de pouvoyr, le vous
25offrant daussy bon ceur que je vous presente etc … De [barré : Vaulraes ]
26
Vaulreas, ce IIe mar, et au dessoub :
27
Votre plus humble et hobeissant amy à vous fère service
28
Truschenus